"Haşmetli asaletli mürüvvetli Dost-ı Vâlâlarımız Hazretleri Birader-i muhteremelerinin zevcesi Kontes Trapani´nin bu kere bir kerimesi dünyaya geldiği ifadesine dair reside-i dest-i halisanem olan bir kıta name-i meveddet-alâme-i hükümdairleri meal-i malum-ı muhibbanemiz olmuştur. Cenab-ı haşmmetmeab-ı fehimanelerine derkar olan muhabbet-i samimiyeniz iktizasınca hanedan-ı asalet-nişanlarına ait olan vukuat-ı hayriyeden hissedar olduğumuzdan bu keyfiyet dahi mahzuziyet-i kamilemizi mucib olduğunun beyan-ı ibraz ve tekid-i meveddete vesile-i hasene ittihaz olunmakla bad-ez-in dahi icra-yı şeraite mevâlâ nigarime himmet eylemeleri memul-i halisanemdir. 6 Recep 1275 (9 Şubat 1859) Es-Sultan Abdülmecid Han Padişah-ı Devlet-i Âl-i Osman"