"Dokuzuncu Kolordu Kumandanı İhsan Paşa Sarıkamış´da şanlı bir taarruzdan sonra Rus kaydına esir düşmüşdü. Müşarun-ileyh Rusya´da, Sibirya´da bir müddet mevkuf kaldıkdan sonra şayan-ı hayret bir azim ve bir kuvve-i teşebbüssiyye gösterüb menfâsından firar etmiş ve Çin, Japonya, Pasifik, Amerika, Atlantik tarikıyle Avrupa´ya ve oradan buraya avdet etmek harikasını göstermişdi. İhsan Paşa´nın menakıbı Jules´in sergüzeştini andırır. Bu muharebe esnasında böyle bir azm-i mütecellidâne gösterüb de Sarıkamış´dan yine Sarıkamış´a bu gibi şerait tahtında giden bir diğerini bilmiyoruz. Paşa´nın seyahatnamesini memleketimiz evladına bir ders-i iradet ve tecellüd olmak üzere İleri ile neşr etmeği bir vazife bildik. Karilerimize tefrika-i âtiyede hem pek parlak bir roman, bir Robinson Crouse hikâyesi, hem de bir besalet-i medeniyye kitabı okumuş olacaklardır. Maruz-ı hatimede şurasını da zikredelim ki bir tefrikayı eski devirde neşr etmek mümkün değildi. Çünkü teaküb edecek satırlarda Enver Paşa´nın marazisine mugayir bir çok fıkarata tesadüf edilecekdir. 24 Şubat 1335"